კალაძე EU-ზე: თუ მოლაპარაკებები არ გაიხსნება, ეს იქნება მათი პასუხისმგებლობა
"ეს იქნება მათი პასუხისმგებლობა" - "ქართული ოცნების" გენერალური მდივანი, კახი კალაძე გაწევრიანებასთან დაკავშირებით მოლაპარაკებების დაწყებაზე სრულ პასუხისმგებლობას არა მმართველ ძალას, არამედ ევროკავშირს აკისრებს.
კალაძე ასევე ამტკიცებს, რომ ზაფხულში შესრულებული იქნება ევროკავშირის 9-პუნქტიანი გეგმის ყველა პუნქტი.
ეს იქნება მათი პასუხისმგებლობა, რადგან საქართველოს ხელისუფლება ყველაფერს აკეთებს, თუნდაც ის 9 პუნქტიანი გეგმა, რომელიც არის წარმოდგენილი მოლაპარაკების გახსნისთვის, ყველაფერი იქნება შესრულებული, და კიდევ ერთხელ ვიმეორებ, ბურთი იქნება მათ მხარეს", - ამბობს კალაძე.
