როგორ მოხდება გენერალური პროკურორობის კანდიდატების შერჩევა? - საპროკურორო საბჭომ საქართველოს გენერალური პროკურორობის კანდიდატების შერჩევის წესი დაადგინა. განცხადებას პროკურატურა ავრცელებს.

საპროკურორო საბჭო გენერალური პროკურორობის კანდიდატებად წარმოდგენილ  ყველა პირთან ინდივიდუალურ გასაუბრებას ჩაატარებს.  

გასაუბრების პროცესი  "ლაივ სტრიმით" გადაიცემა. 

გასაუბრების დასრულების შემდგომ, საპროკურორო საბჭო,  შერჩევის პროცესში მონაწილე ყველა პირს ფარული წესით უყრის კენჭს და  პროფესიონალიზმის, კვალიფიკაციის,  გამოცდილების და მორალური  ღირებულებების  გათვალისწინებით,  შეარჩევს  გენერალური პროკურორობის არანაკლებ 3 კანდიდატს, რომელთა ერთი მესამედი მაინც განსხვავებული სქესის უნდა იყოს.
კონსულტაციები და გენერალური პროკურორობის კანდიდატების წარდგენა 2024  წლის 27  ივნისის ჩათვლით გრძელდება," - წერია განცხადებაში.