საქართველოსა და ჩეხეთის ეროვნული ნაკრებების თამაშის დაწყებამდე ქართველი გულშემატკივრები იკრიბებიან და მსვლელობას აანონსებენ.

Entrepreneur Georgia წერს, რომ შეკრების ადგილი ჰამბურგი, შტელინგენის სადგურია, საიდანაც გულშემატკივრები სტადიონისკენ დაიძვრებიან.

"22 ივნისს, 10:00 საათიდან  საქართველო ჩეხეთის მატჩის დაწყებამდე, ჰამბურგში, შტელინგენის სადგურზე საქართველოს გულშემატკივრისთვის შეხვედრის ადგილი ფუნქციონირებს".

დორტმუნდში ევრო 2024-ზე საქართველოსა და თურქეთის ნაკრებებს შორის შეხვედრა ანგარიშით 3:1 დასრულდა. შეხვედრა დორტმუნდში, „სიგნალ იდუნა პარკზე“ გაიმართა.

მომდევნო თამაში ეროვნულ ნაკრებს 22 ივნისს ჩეხეთთან უწევს, თამაში 17:00 საათზე დაიწყება. 26 ივნისს კი საქართველო პორტუგალიას შეხვდება, თამაში 23:00 საათზე დაიწყება.