5 საკარმიდამო ნაკვეთი 5 სასახლისთვის, საგურამოს ყველაზე პრესტიჟულ ადგილას, 8 სართულიანი ახალაშენებული საცხოვრებელი კორპუსი დემეტრე თავდადებულის ქუჩაზე, თბილისში. სამშენებლო და სარემონტო მასალების ჰიპერმარკეტი ამერიკის საელჩოს მიმდებარედ - აღმოჩენილია სუს-ის მაღალჩინოსნის მრავალმილიონიანი ბიზნესი. 

გიორგი ღამბაშიძე სახელმწიფო უსაფრთხოების სამსახურის გენერალური ინსპექციის დირექტორის მოადგილეა. სუს-ში მაღალი თანამდებობის პარალელურად ის, დეველოპერობას კაფელ-მეტლახის ყიდვა-გაყიდვასა და უძრავი ქონების ბიზნესს ერთმანეთს უთავსებს.

• კორპუსი, სადაც ყველა ბინა უკვე გაყიდულია, სუს-ის მაღალჩინოსანმა ააშენა, დიღომში დემეტრე თავდადებული ქუჩაზე კორპუსი 6 სართულიანი უნდა ყოფილიყო, თუმცა სახელმწიფო უსაფრთხოების  სამსახურის  გენერალური ინსპექციის უფროსის მოადგილემ სართულები ნებართვის გარეშე დააშენა.  3700 კვადრატული საცხოვრებელი, ფართი, 516 საზაფხულო და 468 კვადრატული ავტოსადგურები - ყველაფერი უკვე გაყიდულია.
• ტერიტორიის ნაწილი დიღომში, სადაც გიორგი ღამბაშიძე კორპუსს აშენებს თბილისის მერიას ეკუთვნოდა, მიწა ბიზნესისთვის სუსის მაღალჩინოსანს სწორედ მერიამ მიყიდა.
• თავდაპირველი პროექტი სუსი მაღალჩინოსნის კორპუსი 6 სართულიანი უნდა ყოფილიყო, თუმცა კორპუსი რვა სართულიანად ისე იქცა რომ მერიიდან შესაბამისი ნებართვა არ ჰქონია.

რა წერია კანონში?

• ,,საჯარო სამსახურში ინტერესთა შეუთავსებლობისა და კორუფციის შესახებ’’ კანონის 28-ე მუხლის მე-4 პუნქტში ვკითხულობთ, რომ მოხელეს, მათ შორის სამხედრო ან სახელმწიფო სპეციალური წოდების მქონე მოსამსახურეს, სამეწარმეო საქმიანობის განხორციელების უფლება არ აქვს. 

იყენებს თუ არა სუსის მაღალჩინოსანი, კაცი რომელიც სპეცსამსახურის ათასობით თანამშრომელს უნდა აკონტროლებდეს, გავლენებს მისი ბიზნესისთვის - ნახეთ მაკა ჩიხლაძის რეპორტაჟი