გამოვავლინეთ პირები, რომელთაც თვითნებურად გააკრეს პლაკატები და დაამახინჯეს ქალაქის იერსახე - მერია

24.07.21 21:35
გამოვავლინეთ პირები, რომელთაც  თვითნებურად გააკრეს პლაკატები და დაამახინჯეს ქალაქის იერსახე - მერია

თბილისის მერიის მუნიციპალურმა ინსპექციამ გამოავლინა პირები, რომელთაც დედაქალაქის სხვადასხვა ქუჩაზე თვითნებურად გააკრეს პლაკატები და დაამახინჯეს ქალაქის იერსახე, - ამის შესახებ თბილისის მერიის მიერ გავრცელებულ განცახდებაშია აღნიშნული.

მერიის ინფორმაციით, სამართალდამრღვევი პირები  კანონის შესაბამისად დაჯარიმდებიან.

„თბილისის მერია კიდევ ერთხელ მოუწოდებს ყველას, დავიცვათ კანონი და გავუფრთხილდეთ დედაქალაქის იერსახეს“, - ნათქვამია გავრცელებულ ინფორმაციაში.

ცნობისთვის, თბილისის ქუჩებში დღეს პლაკატები გამოჩნდა წარწერით - „არა ნაცებს, არა ბოროტებას“. ბანერებზე გამოსახულნი არიან პოლიტიკოსები და ჟურნალისტები.