საქართველოს ეროვნული ნაკრები ევრო 2024-ის მერვედფინალშია - ეროვნული ნაკრები უეფასგან ბონუსის სახით 12.25 მილიონ ევროს მიიღებს, რაც თითქმის 37 მილიონი ლარია.

საქართველოს ნაკრებისთვის განკუთვნილი 12.25 მილიონი ევროდან 9.25 მილიონი ევროპის ჩემპიონატში მონაწილეობის თანხაა, 500 000 - ჩეხეთთან ფრის, 1 მილიონი - პორტუგალიასთან მოგების და 1.5 მილიონი - მერვედფინალში გასვლის.

თითოეული ეტაპის დაძლევისთვის გუნდებისთვის გამოყოფილ თანხას, მატჩის ბონუსიც ემატება:

• 9.25 მილიონი ევრო - მონაწილეობისთვის;
• მატჩის ბონუსი: 1 მილიონი ევრო - მოგება; 500 000 ევრო - ფრე;
• 1.5 მილიონი ევრო - მერვედფინალში გასვლისთვის;
• 2.5 მილიონი ევრო - მეოთხედფინალში გასვლისთვის;
• 4 მილიონი ევრო - ნახევარფინალისთვის;
• 5 მილიონი ევრო - მეორეადგილოსანი;
• 8 მილიონი ევრო - ჩემპიონი.