"ქართული ოცნება" არჩევნებში კადიროვის დახმარებას ელოდება? - კიოლნის სკანდალურ შეხვედრას კიდევ უფრო სკანდალური გაგრძელება დღეს ლევან  ხაბეიშვილმა მისცა. "ნაციონალური მოძრაობის" პოლიტსაბჭოს თავმჯდომარე ამბობს, რომ ხელისუფლება ჩრდილოკავკასიიდან ზონდერ ჯგუფების ჩამოყვანას გეგმავს და არჩევნების წინ საქართველოში 500-მდე კუნთმაგარი სპორტსმენი გამოიგზავნება.

სპორტსმენების იმპორტს კი მხოლოდ ერთი მიზანი აქვს - დააშინონ ხალხი და ფიზიკურად გაუსწორდნენ ოპონენტებს. რისი გამოცდილებაც ქართულ ოცნებას წლების განმავლობაში ბევრი დაუგროვდა.  ხაბეიშვილი ამტკიცებს, რომ  სწორედ ამ თემაზე საუბრობდნენ კიოლნის ერთ-ერთ რესტორანში გამართულ შეხვედრაზე  ოცნების პირველი პირები  და დაღესტნელი ექსჩემპიონი, რომლის ამსახველი ფოტოებიც იმავე დღეს მედიაში გავრცელდა.

დეტალები ნახეთ, რუსუდან ჯაბანიშვილის რეპორტაჟში.