„კოალიციამ ცვლილებებისთვის“, რომელიც „ახალს“, „დროას“ და „გირჩი – მეტი თავისუფლებისთვის“ აერთიანებს, რუსთავში პირველი ყრილობა გამართა.

მხარდამჭერებს კოალიციის ლიდერებმა – ნიკა გვარამიამ, ელენე ხოშტარიამ, ნიკა მელიამ და ზურაბ ჯაფარიძემ – მიმართეს. მათ არჩევნებზე „ქართული ოცნების“ დამარცხების საჭიროებაზე და სხვა საკითხებზე ისაუბრეს.

გვარამიამ სიტყვით გამოსვლაში სხვადასხვა სფეროში მომუშავე ადამიანებს თავისი საარჩევნო დაპირებები გააცნო, მთავარი დაპირება კი ევროკავშირში გაწევრიანება და ის სიკეთეებია, რომელიც ევროპული ოჯახის წევრობას მოსდევს.

გარდა ამისა, ყრილობაზე კოალიციამ კიდევ ერთხელ წარადგინა საპარლამენტო სიის პირველი ოცეული.