„სიმართლეს გეტყვით: მე მკითხეს, არის თუ არა საჭირო რაღაცა გარანტიების მიცემა (ივანიშვილისთვის)"- ამის შესახებ საქართველოს პრეზიდენტმა "ნოდარ მელაძის შაბათის ეთერისთვის" მიცემულ ექსკლუზიურ ინტერვიუში განაცხადა.

ზურაბიშვილი პირდაპირ ამბობს, რომ თუ "ოცნების" საპატიო თავმჯდომარისგან პასუხი იქნება,  სადაც საჭიროა, იქ მიიტანს. 

„სიმართლეს გეტყვით - მე მკითხეს, არის თუ არა საჭირო რაღაცა გარანტიების მიცემა (ივანიშვილისთვის). მე პასუხი ამაზე არა მაქვს. მაგრამ თუ პასუხი იქნება, სადაც საჭიროა, იქ მივიტან“, - განაცხადა პრეზიდენტმა.

ნოდარ მელაძე დაინტერესდა, კითხვის ავტორები ევროპელი ლიდერები იყვნენ თუ ამერიკელები ზურაბიშვილი ამბობს:  „აღარ დავაზუსტებ“.

კიდევ ერთ კითხვაზე, „დღეს რომ ივანიშვილმა სთხოვოს სალომე ზურაბიშვილს, ამბავი უთხრას, რეალობა დაანახოს, მზად ხართ ამ კომუნიკაციისთვის“?  - პრეზიდენტი ხაზგასმით აცხადებს, რომ მართალია, ბიძინა ივანიშვილს მასთან კომუნიკაცია 2022 წლის შემდეგ არ ჰქონია, მზადაა, რომ მოუსმინოს "ოცნების" საპატიო თავმჯდომარეს. 

პრეზიდენტთან ინტერვიუ სრულად ნახეთ აქ: https://youtu.be/G5dxVXdGA04