ევროკავშირის მიერ საქართველოს საკითხის გაყინვის შემდეგ, ივანიშვილის პარტიას გეგმაც კი არ აქვთ, თუ როგორ აპირებს მათივე გაფუჭებული ურთიერთობების აღდგენას.

"საქართველოს ევროკავშირში გაწევრიანებაზე მოლაპარაკებებს არ გაუხსნიან, ვიდრე მთავრობა კურსს არ შეიცვლის" - ასეთი მკაფიო ნათქვამის მიუხედავად, დღეს პარლამენტის თავმჯდომარე ამტკიცებდა, რომ ევროკავშირთან ურთიერთობების პროგრესი ქვეყნის ეკონომიკის დანგრევის ტოლფასია.

ევროკომისიას გაფართოების ასეთი მკაცრი ანგარიში არასდროს გამოუქვეყნებია. "უკუსვლა" - ამ დოკუმენტში ყველაზე ხშირად გამოყენებული სიტყვაა. დემოკრატიული უკუსვლა, უკუსვლა სასამართლო რეფორმებსა და ადამიანის უფლებების დაცვაში. 

ევროკომისიის გაფართოების 100-გვერდიან დოკუმენტში შავით თეთრზე წერია, რომ საქართველოს თავსებადობა ევროკავშირის საგარეო პოლიტიკასთან ასეთ დაბალ ნიშნულზე არასდროს ყოფილა. ქვეყანა, რომელსაც წესით ევროგაერთიანების წევრობა უნდა, მხოლოდ 49%-ით ემთხვევა ევროკავშირის სახელმწიფოების პოლიტიკას. 

ვრცლად ნახეთ ინა ცარციძის რეპორტაჟში.