ევროპარლამენტში დასამტკიცებელი რეზოლუციის საბოლოო ვარიანტით, ევროპარლამენტარები საქართველოში ჩატარებულ საპარლამენტო არჩევნებს გაყალბებულად მიიჩნევენ და მის შედეგებს არ აღიარებენ. მეტიც, როგორც დოკუმენტშია ნათქვამი, ევროპარლამენტმა საპარლამენტო არჩევნებს ლეგიტიმაცია არ უნდა მიანიჭოს. 

ევროდეპუტატები რეზოლუციის საბოლოო ვარიანტში 26 ნოემბერს არჩევნებზე გამოვლენილი დარღვევების შესწავლზე და ხელახალი არჩევნების მიუკერძოებელი საარჩევნო ადმინისტრაციის პირობებში ჩატარების აუცილებლობაზე საუბრობენ. 

"საერთაშორისო საზოგადოებამ არ უნდა აღიაროს არჩევნების შედეგები" - წერია დოკუმენტში.

თვლის, რომ გავრცელებული ფართო საარჩევნო გაყალბება ძირს უთხრის საარჩევნო პროცესის მთლიანობას, შედეგების ლეგიტიმურობას და საზოგადოების ნდობას ნებისმიერი ახალი მთავრობის მიმართ და რომ შედეგები არ ემსახურება ქართველი ხალხის ნების სანდო წარმომადგენლობას. აღიარებს საქართველოს პრეზიდენტის სალომე ზურაბიშვილის მიერ არჩევნების გაყალბებულად ცნობას და მის გადაწყვეტილებას არ აღიაროს შედეგები. 

მიიჩნევს, რომ კენჭისყრის ლეგიტიმურობა სერიოზულად შელახულია დარღვევების სიდიდის გამო, საერთაშორისო საზოგადოებამ არ უნდა აღიაროს არჩევნების შედეგები. შესაბამისად, უარყოფს საპარლამენტო არჩევნების ნებისმიერ აღიარებას და მოუწოდებს მათ არჩევნების ხელახლა ჩატარებას ერთი წლის განმავლობაში, პროცესის გაუმჯობესებულ საარჩევნო გარემოში, დამოუკიდებელი და მიუკერძოებელი საარჩევნო ადმინისტრაციის მიერ და გულმოდგინე საერთაშორისო დაკვირვების ქვეშ, რათა უზრუნველყოფილი იყოს ჭეშმარიტად სამართლიანი და გამჭვირვალე საარჩევნო პროცესი", - წერია განცხადებაში.

ცნობისთვის, ევროპარლამენტი რეზოლუციას ხვალ, 28 ნოემბერს დაამტკიცებს. რეზოლუციის დამტკიცების შემდეგ, დოკუმენტი გადაეცემა ევროკომისიას და მისი შესასრულებელი იქნება დოკუმენტში გაწერილი მოთხოვნები.