პროტესტის მეშვიდე დღე ბათუმში - მოქალაქეები ერას მოედანზე შეიკრიბნენ და ამ წუთებში მარშს მართავენ. 

მოქალაქეები ქვეყანაში დაწყებულ რეპრესიებს აპროტესტებენ. აქციის მონაწილეები "ქართული ოცნების" მიერ მიღებულ ანტიევროპულ გადაწყვეტილებას აპროტესტებენ. 

ცნობისთვის, საქართველოში პროტესტის ტალღამ მას შემდეგ იფეთქა, რაც პრემიერ ირაკლი კობახიძემ 28 ნოემბერს განაცხადა, რომ "ქართულმა ოცნებამ" მიიღო გადაწყვეტილება, "2028 წლის ბოლომდე დღის წესრიგში არ დააყენოს ევროკავშირთან მოლაპარაკებების გახსნის საკითხი და ასევე, 2028 წლის ბოლომდე უარი თქვას ყოველგვარ საბიუჯეტო გრანტზე ევროკავშირის მხრიდან".