საქართველოს მოქმედი პრეზიდენტი, სალომე ზურაბიშვილი რუსთაველის გამზირზე გამოჩნდა. ზურაბიშვილი "თავისუფლების მოედნიდან",  მთავარ გამზირზე, რუსთაველზე ფეხით, მარტო მივიდა. მას ადგილზე შეკრებილები ტაშით და ოვაციებით შეხვდნენ.  

"სალომე", "მადლობა" - სკანდირებდნენ აქციაზე შეკრებილი საქართველოს მოქალაქეები. 

"ყველაფერი ვთქვი, ახლა მივდივარ სამსახურში (ათონელის საპრეზიდენტო სასახლეში" - უთხრა მან "ტვ პირველის" ჟურნალისტს. 

ამის პარალელურად, საქართველოს პარლამენტთან აქცია სახელწოდებით: „ვაჩვენოთ დიპლომი ყაველაშვილს“ მიმდინარეობს. 

მომიტინგეებმა საკანონმდებლო ორგანოსთან საკუთარი დიპლომები მიიტანეს.

პარალელურად საქართველოს ერთპარტიულ პარლამენტში პრეზიდენტის ასარჩევად კენჭისყრა დაიწყო.