მოსამართლე გიორგი გელაშვილი რუსული კანონის საწინააღმდეგო აქციაზე დაკავებული გიორგი ოკმელაშვილის საქმეზე განაჩენს 24 იანვარს, 14:00 საათზე გამოაცხადებს.  ადვოკატმა კობა ბარამიამ დღეს, 15 იანვარს, გამართულ სხდომაზე მოითხოვა სისხლის სამართლის კოდექსის 260-ე მუხლით (ნარკოტიკული საშუალებების შენახვა) წაყენებული ბრალის მოხსნა, რასაც პროკურორი დაეთანხმა. 

ახლა გიორგი ოკმელაშვილს გამოძიება ედავება მხოლოდ 353-ე პრიმა მუხლის პირველი ნაწილით გათვალისწინებულ დანაშაულს (პოლიციელზე თავდასხმა). დანაშაული 4-დან 7 წლამდე პატიმრობას ითვალისწინებს.

გიორგი ოკმელაშვილი გასული წლის 15 მაისს დააკავეს. მას 2024 წლის 14 მაისის აქციაზე პოლიციელის ფიზიკურ შეურაცხყოფას ედავებიან. უკვე 17 მაისს სასამართლომ ოკმელაშვილს აღკვეთის ღონისძიების სახით პატიმრობა შეუფარდა.