სინდისის პატიმრის ანრი კვარაცხელიას ცოლი, ქმარს დაბადების დღეს ულოცავს. "გილოცავ გმირო! შენი თავისუფლება ჩვენი ბრძოლაა" - წერია ბანერზე, რომელიც ნუცა ერემიანმა რუსთაველის გამზირზე მიიტანა. 

25 წლის ანზორ (ანრი) კვარაცხელია 5 დეკემბერს, საკუთარ სახლში დააკავეს. მას რეჟიმი ე.წ. მოლოტოვის კოქტეილის გდდ-ს თანამშრომლისთვის სროლას ედავება. 

ახალგაზრდას 4-დან 7 წლამდე პატიმრობა ემუქრება. 

ნუცა ერემიანი პოლიციის მხრიდან ძალადობას იხსენებს.

ნუცა ერემიანი ამბობს, რომ პოლიცია მათ სახლში ძალადობრივად შეიჭრა და ფიზიკურად გაუსწორდა არა მარტო ანრი კვარაცხელიას, არამედ დაკავებულის დას და მეუღლეს.