უილსონი კობახიძეს პასუხობს: "ივანიშვილის მარიონეტი პრეზიდენტ ტრამპის მეგობარი არ არის"
ვანიშვილის არალეგიტიმური მარიონეტი პრემიერმინისტრი პრეზიდენტ ტრამპის მეგობარი არ არის - ასე აფასებს კონგრესმენი ჯო უილსონი ირაკლი კობახიძის წერილს.
ამერიკელი მაღალჩინოსანი X-ზე წერს, რომ საქართველოს ლეგიტიმური პრეზიდენტი და აშშ-ს მეგობარი არის სალომე ზურაბიშვილი, რომელიც ტრამპის ინაუგურაციას ესწრებოდა.
"ივანიშვილის არალეგიტიმური, მარიონეტი პრემიერმინისტრი პრეზიდენტ ტრამპის მეგობარი არ არის. ის ჩინეთის კომუნისტური პარტიისა და ირანის რეჟიმის პაიკია და აშშ-ის სანქციების სიაში მალე აღმოჩნდება. საქართველოს ლეგიტიმური პრეზიდენტი და აშშ-ის მეგობარი სალომე ზურაბიშვილი იყო ინაუგურაციაზე" - წერს უილსონი.
ივანიშვილის პრემიერმინისტრი ირაკლი კობახიძე, რომელიც დონალდ ტრამპის ინაუგურაციაზე მიწვეული არ იყო, X-ზე წერილს აქვეყნებს სადაც წერს:
ჩემი გულწრფელი მილოცვა პრეზიდენტ ტრამპს აშშ-ს მეორე ვადით პრეზიდენტობისთვის. მისმა ლიდერობამ ხელი უნდა შეუწყოს გლობალურ მშვიდობას და გააძლიეროს საქართველო-აშშ-ს ურთიერთობები. გისურვებთ ყველანაირ წარმატებას ამ გადამწყვეტ გზაზე"- აღნიშნულია წერილში.
