ჩეხეთმა ივანიშვილის რეჟიმის სამი მაღალჩინოსანი დაასანქცირა - ამის შესახებ საქართველოში ჩეხეთის ელჩი, პეტრ კუბერნატი პლატფორმა X-ზე წერს. 

მისივე ცნობით, ჩეხეთმა შავ სიაში 2024 წელს გამართული საპროტესტო აქციების ძალადობრივი მეთოდებით ჩახშობაში მონაწილე შინაგან საქმეთა სამინისტროს 3 წარმომადგენელი შეიყვანა.

ამ დროისთვის უცნობია, კონკრეტულად ვინ მოხვდა სანქციათა სიაში.  

ჩეხეთის მთავრობამ სანქციები დღეს მიიღო  საქართველოს შინაგან საქმეთა სამინისტროს 3 წარმომადგენლის წინააღმდეგ, რომლებიც  გასულ წელს გამართული საპროტესტო აქციების ძალადობრივი მეთოდებით ჩახშობაში მონაწილეობდნენ". - წერს პეტრ კუბერნატი.