პრეზიდენტი ზურაბიშვილი ბელგიის პრემიერს თანამდებობაზე დანიშვნას ულოცავს
საქართველოს მეხუთე პრეზიდენტი, სალომე ზურაბიშვილი ბარტ დე ვევერს ბელგიის პრემიერ-მინისტრის თანამდებობის დაკავებას ულოცავს.
"მჯერა, ბელგია ევროპული მომავლისთვის ბრძოლაში ქართველი ხალხის მხარდაჭერას გააგრძელებს" - წერს ხალხის მიერ არჩეული პრეზიდენტი.
ვულოცავ ბელგიის ახალ პრემიერ-მინისტრს, ბარტ დე ვევერს. საქართველო ბელგიასთან პარტნიორობის გაღრმავებას მოუთმენლად ელის. მჯერა, ბელგია ევროპული მომავლისთვის ბრძოლაში ქართველი ხალხის მხარდაჭერას გააგრძელებს“, - წერს სალომე ზურაბიშვილი.
შეგახსენებთ, დღეს ბელგიის პრემიერ-მინისტრი ნაციონალისტური პარტია "ახალი ფლამანდური ალიანსის" ლიდერი, ბარტ დე ვევერი გახდა.
