შვედეთის პარლამენტისა და ევროპის საბჭოს საპარლამენტო ასამბლეის წევრი, გუსტავ გოტბერგი ევროკავშირს ბიძინა ივანიშვილისთვის სანქციების დაწესებას მოუწოდებს. 

გუსტავ გოტბერგი აღნიშნავს, რომ მოშიმშილე მზია ამაღლობელისა და სხვა პოლიტპატიმრების გათავისუფლებას ემხრობა. 

მზია ამაღლობელის, რომელიც 23 იანვრიდან შიმშილობს, და სხვა პოლიტპატიმრების გათავისუფლების მოთხოვნას ხელს ვაწერ. ჯო უილსონთან, რასა იუკნევიჩიენესთან, ტომ ტაგენდატთან და სხვებთან ერთად ევროკავშირსა და მოკავშირეებს ოლიგარქი ივანიშვილის წინააღმდეგ სანქციების დაწესებისკენ მოვუწოდებ“, - წერს გოტბერგი.

შეგახსენებთ, გუშინ ევროპელმა პოლიტიკოსებმა მზია ამაღლობელის გათავისუფლების მოთხოვნით ერთობლივი განცხადება გაავრცელეს.