სადეპუტატო მანდატის შეწყვეტის მიუხედავად, ანტიკორუფციულმა ბიურომ თანამდებობის პირის დეკლარაციის არ შევსების გამო კოალიცია "ცვლილებისთვის" წევრი, ბორის ჩელე ყურუა დააჯარიმა.

ოპოზიციონერი პოლიტიკოსი სოციალურ ქსელში წერს, რომ რაჟდენ კუპრაშვილის უწყებამ 1 000 ლარი დააკისრა, ხოლო იმ შემთხვევაში, თუ ჯარიმას არ გადაიხდის მის წინააღმდეგ სისხლის სამართლებრივი საქმე აღიძვრება.

ანტიკორუფციულმა ბიურომ 1 000 ლარით დამაჯარიმა, დეკლარაცია რატომ არ შეავსე პარლამენტის წევრმაო, არ მინდა პარლამენტის წევრობათქო, შემიწყვიტეს მანდატი და მაინც მაჯარიმებენ. კიდევ თუ არ შეავსებთ დაგიჭერთო. რანაირი ხალხია". - წერს ბორის ჩელე ყურუა. 

შეგახსენებთ, 14 თებერვალს ცნობილი გახდა, რომ კოალიცია "ცვლილებისთვის" წევრი, თენგო თევზაძე, რომელსაც საპარლამენტო საქმიანობის უფლებამოსილება შეჩერებული აქვს, ანტიკორუფციულმა ბიურომ თანამდებობის პირის დეკლარაციის არ შევსების გამო დააჯარიმა.