რუსეთი საქართველოსა და EU-ზე მორიგ პროპაგანდისტულ განცხადებას ავრცელებს
რუსეთის საგარეო დაზვერვის მორიგი პროპაგანდისტული განცხადება - პუტინის დაზვერვა ირწმუნება, რომ ევროკავშირი გეგმავს, საქართველოს საპროტესტო აქციის მონაწილეებს დღეში 120 ევრო გამოუყოს.
„ევროკავშირის ხელმძღვანელობა მიზნად ისახავს, ნებისმიერ ფასად დააბრუნოს საქართველო „დემოკრატიისა და ევროინტეგრაციის გზაზე” - ამტკიცებს რუსეთის დაზვერვის სამსახური.
„ბრიუსელის ევრობიუროკრატია არ დაუშვებს, დაკარგოს „დასავლეთის გავლენის ეს მნიშვნელოვანი დასაყრდენი ამიერკავკასიაში“. - ამბობს რუსეთის საგარეო დაზვერვის სამსახური.
რუსული უწყება ასევე წერს, რომ ევროკავშირის წარმომადგენლებს დაევალათ, უფრო აქტიურად იმუშაონ ოპოზიციური ქართული პარტიების.
"ევროკავშირის ჩინოვნიკებს დაევალათ აქტიურად იმუშაონ ქართული ოპოზიციური პარტიების – ერთიანი ნაციონალური მოძრაობის, ახალის, საქართველოსთვის, ევროპული საქართველოსა და გირჩი – მეტი თავისუფლების გაერთიანებაზე. მათ უნდა შექმნან ერთიანი მუშტი, რომელიც მიმართული იქნება მმართველი პარტიის, ქართული ოცნების, წინააღმდეგ" - წერს Риа დაზვერვაზე დაყრდნობით.
დაზვერვა ირწმუნება, რომ დასავლეთი ცდილობს, განავითაროს ქუჩის პროტესტები.
„ევროკავშირის წარმომადგენლობას თბილისში გამოეყო მნიშვნელოვანი რესურსები დემონსტრაციების მხარდასაჭერად და კოორდინირებისთვის.
იგეგმება ანტისამთავრობო აქციების თითოეული მონაწილისთვის „სამუშაო“ დღეში 120-მდე ევროს გადახდა.
იმ შემთხვევაში, თუ საქართველოს ხელისუფლება შეეცდება, დაბლოკოს ევროკავშირის არხები დივერსიული მოქმედებების დასაფინანსებლად, მუშავდება სომხეთში ევროკავშირის ქვეყნების საელჩოებიდან თბილისში ნაღდი ვალუტის მიტანის გეგმა”. – ამტკიცებს რუსული უწყება.
