"ჟურნალისტთა დაცვის კომიტეტი" ბათუმის საქალაქო სასამართლოს მიერ მზია ამაღლობელის პატიმრობაში დატოვებას გმობს და მის დაუყოვნებლივ გათავისუფლებას მოითხოვს. 

CPJ-ის ევროპისა და ცენტრალური აზიის პროგრამის კოორდინატორი, გულნოზა საიდი მზია ამაღლობელის საქმეს სადამსჯელო ღონისძიებად აფასებს.

საქართველოს ხელისუფლების მიერ მედია მენეჯერის, მზია ამაღლობელის დევნა აშკარად სადამსჯელოა და მით უფრო სამარცხვინოა ჟურნალისტებზე პოლიციის სასტიკი თავდასხმების დაუსჯელობის გათვალისწინებით. ხელისუფლებამ დაუყოვნებლივ უნდა გაათავისუფლოს ამაღლობელი," - განაცხადა  გულნოზა საიდმა.

განცხადებაში ასევე წერია, რომ გამოცემა "ბათუმელებისა" და "ნეტგაზეთის" დირექტორის საქმე საქართველოში პრესის თავისუფლების მკვეთრი ვარდნის ფონზე მიმდინარეობს.

ჟურნალისტთა დაცვის კომიტეტი" (CPJ) გმობს საქართველოს სასამართლოს გადაწყვეტილებას მედია მენეჯერის, მზია ამაღლობელის სასამართლო პროცესის გაგრძელებისა და პატიმრობაში ყოფნის შესახებ, ადგილობრივ პოლიციის უფროსთან შელაპარაკების შემდეგ.

4 მარტს გამართულ წინასასამართლო სხდომაზე, საქართველოს დასავლეთ ბათუმის საქალაქო სასამართლომ არ დააკმაყოფილა შუამდგომლობა დამოუკიდებელი საინფორმაციო გამოშვებების "ნეტგაზეთის" და "ბათუმელების" დირექტორის ამაღლობელის გათავისუფლებისა და პოლიციელზე თავდასხმის ბრალდების მოხსნის შესახებ. ბრალის დამტკიცების შემთხვევაში, ამაღლობელს მინიმუმ ოთხი წლით თავისუფლების აღკვეთა ემუქრება, საქმეში, რომელიც ფართოდ განიხილება, როგორც არაპროპორციული და მისი ჟურნალისტიკის საპასუხო. 

ამაღლობელის საქმე საქართველოში პრესის თავისუფლების მკვეთრი ვარდნის ფონზე ხდება. ათობით ჟურნალისტი, რომლებიც აშუქებდნენ ანტისამთავრობო საპროტესტო აქციებს, ძალადობრივად შეაფერხეს ან სცემეს პოლიციელებმა," - წერია განცხადებაში.

შეგახსენებთ, რომ სასამართლომ “ნეტგაზეთისა“ და “ბათუმელების“ დამფუძნებელი მზია ამაღლობელი პატიმრობაში დატოვა. გადაწყვეტილება მოსამართლე ვიქტორ მეტრეველმა გუშინდელ პროცესზე გამოაცხადა.