სალომე ზურაბიშვილი ფიქრობს, რომ შუამავალი ოპოზიციასა და ქართულ ოცნებას შორის ევროკავშირის ლიდერები უნდა იყვნენ. ეს განცხადება, საქართველოს პრეზიდენტმა ლიეტუვას საზოგადოებრივ არხთან ინტერვიუში გააკეთა.

საქართველოს მეხუთე პრეზიდენტის აზრით, საქართველო ჩიხშია და ქვეყანაში პოლიტიკური კრიზისი მძვინვარებს. 

მისი თქმით, კრიზისიდან ერთადერთი გამოსავალი ახალი არჩევნებია და ეს შედეგი ევროკავშირის ლიდერების ჩართულობით უნდა დადგეს. 

ეს ჩიხია, ქვეყანა ამ მდგომარეობაში ვერ დარჩება, გამოსავალი უნდა იყოს. არავის მოუფიქრებია სხვა გამოსავალი ასეთი კრიზისიდან, გარდა იმისა, რომ დაუბრუნდეს ძალაუფლების საწყისებს, ანუ ერისა და ხალხის ნებას. არ ვიცი, რამდენი დრო დასჭირდება ამ ჩიხიდან გამოსვლას. ქართველი ხალხი არ აპირებს ძალის გამოყენებას; ჩვენ კარგად ვიცით გეოპოლიტიკური ვითარება. რაც შეიძლება მეტი შეიძლება გაკეთდეს მშვიდობიანი გზით. მაგრამ რეპრესიული ზომებიც ასევე შეზღუდულია. ყველა ადამიანს ციხეში ვერ ჩასვამ. ჩვენ უნდა ვიპოვოთ გამოსავალი კრიზისიდან. იმედი მაქვს, დადგება დრო, როცა ევროპა დაიწყებს მაღალ დონეზე შუამავლობას და ეს აიძულებს მმართველ პარტიას გააკეთოს არჩევანი.    

რაღაც მომენტში, ეს დაძაბულობა მიაღწევს რღვევის წერტილს. მხოლოდ სანქციები არ არის საკმარისი; ჩვენ გვჭირდება მკაფიო სტრატეგია ჩვენი პარტნიორებისგან ახალი არჩევნებისთვის. უნდა გამოიყენონ „ჯოხის და სტაფილოს“ მეთოდი. თუ ახალი არჩევნები იქნება, დადებით ნაბიჯებს მიიღებთ. თუ არა, სანქციები. პოლიტიკა უნდა იყოს ყოვლისმომცველი და სტრატეგიული"- აღნიშნავს ზურაბიშვილი.