ვინ აშენებს თბილისში საცხოვრებელ კომპლექსს და ვილების დასახლებას და აქვს თუ არა კავშირი სოზარ სუბარს მისი ფარმაცევტი ცოლის ძმის სახელზე რეგისტრირებულ ბიზნესთან?

თემის მოკვლევას "შაბათის ეთერი" დიღომში, "გრადას" საცხოვრებელ კომპლექსიდან იწყებს, სადაც გამომძიებელი ჟურნალისტი ნიკა ყუბანეიშვილის მოსაძებნად მივიდა. მაკა ჩიხლაძეს „ხალხის ძალის“ თავმჯდომარის, სოზარ სუბარის ცოლის ძმის სახელზე გაფორმებულ ბინაში სოზარ სუბარის ვაჟი, ლუკა სუბარი დახვდა, რომელიც ამბობს, რომ ის ამ მისამართზე ცხოვრობს. 

როდის და როგორ გახდა ფარმაცევტი ყუბანეიშვილი სამშენებლო ბიზნესის მფლობელი: 

• "გრადა პარკი", "მწვანე ხეივანი" და "გრადა ვილა"  ამ სამი გრანდიოზული პროექტის განმახორციელებელი, შპს "გრადაა". GRADA-ს მფლობელი "გრადა დეველოპმენტია". 
•  დოკუმენტების ლაბირინთს საბოლოო მფლობელთან, "ჯი აი  ჰოლდინგთან" მივყავართ. სწორედ აქ იხსნება კვანძი და ვიგებთ, რომ მასშტაბური დეველოპერული პროექტების უკან, ოფიციალურად, სოზარ სუბარის ცოლისძმა და მისი ცოლი დგანან. 
• მაია ბეჟანიშვილი სოზარ სუბარის ცოლის ძმის ცოლია. ის არის სამშენებლო კომპანია "გრადას" საბოლოო ბენეფიციარი კომპანიის მეწილე.
• "ჯი აი ჰოლდინგი" 1 თვის წინ დაფუძნდა და ის ფლობს, სუბარის ცოლისძმის კომპანია ,,ოქტა ქონსთრაქშენსაც.’’ ანუ დოკუმენტებით დგინდება, რომ თებერვალში შექმნილი ერთი და იგივე შპს-ს მფლობელობაშია, როგორც სოზარ სუბარის ცოლისძმის, ისე ცოლისძმის ცოლის კომპანიებიც. 

ოფიციალურად, სოზარ სუბარი საბურთალოზე, მეუღლესთან და 3 შვილთან ერთად, 188 კვადრატულ ბინაში ცხოვრობს და თუ სუბარის დეველოპერ ცოლისძმას დავუჯერებთ, 19 წლის ლუკა სამეცადინოდ, ცინცაძის ქუჩიდან, დიღომში, აღმაშენებლის ხეივანზე დადის. ეს მაშინ, როცა სუბარის შვილი გრადას კომპლექსში დილის საათებში, ახლად გაღვიძებული დაგხვდა და გვითხრა რომ ამ ბინაში ცხოვრობს.

მის მიერვე შევსებული დოკუმენტის თანახმად, თავად სუბარს არაფერი გააჩნია. მისი ცოლის სახელზე კი 2 ერთეული უძრავი ქონება ფიქსირდება - მიწა და სახლი დმანისში და ბინა საბურთალოზე, რომლის იპოთეკურ სესხსაც ბიძინა ივანიშვილის ბანკს წლების განმავლობაში უხდიდა. 

მაია ბეჟანიშვილი, ამ დროისთვის ოფიციალურად მხოლოდ დეველოპერულ ბიზნესს არ ფლობს. სუბარის ცოლისძმის ცოლი, გენერალურ დირექტორადაა გაფორმებული კოოპერტივ იკორთაშიც. სახელმწიფო დაფინანსებით, შიდა ქართლში სამაცივრე მეურნეობა 2018 წელს გაიხსნა. 

 მაკა ჩიხლაძის სპეციალური რეპორტაჟი