საქართველოს მეხუთე პრეზიდენტი ჩეხეთში ვიზიტს იწყებს. ამის შესახებ სალომე ზურაბიშვილი X-ის საკუთარ გვერდზე წერს.

ვიწყებ ჩეხეთის რესპუბლიკაში ვიზიტს. მადლობელი ვარ ევროპულ და ევრო-ატლანტიკურ სტრუქტურებში საქართველოს ინტეგრაციის მათი ურყევი მხარდაჭერისთვის”, - წერს ზურაბიშვილი.

როგორც ცნობილია, მეხუთე პრეზიდენტი 9 აპრილს ჩეხეთის სენატს სიტყვით მიმართავს, შემდეგ კი სენატის პრეზიდენტსა და სენატის წევრებს შეხვდება.