წულუკიანის კომისია ექსპრემიერ გიორგი გახარიას ე.წ. საგამოძიებო კომისიის სხდომაზე 14 აპრილს, ორშაბათს იბარებს.

გახარიას დაბარების შესახებ ინფორმაცია გასულ კვირას გახდა ცნობილი, თუმცა რიცხვი დაკონკრეტებული არ ყოფილა. 

"14 აპრილს, 12:00 საათზე, კონსტიტუციის დარბაზში გაიმართება საქართველოს პარლამენტის დროებითი საგამოძიებო კომისიის მორიგი სხდომა.
სხდომაზე მოწვეულია ბატონი გიორგი გახარია,  საქართველოს შინაგან საქმეთა მინისტრისა და საქართველოს პრემიერ-მინისტრის თანამდებობებზე მის მიერ გაწეული საქმიანობისა და მიღებული გადაწყვეტილებების, მათ შორის, 2019 წლის 20 ივნისის მოვლენებთან, დაკავშირებით." - ნათქვამია  კომისიის გვერდზე გავრცელებულ ინფორმაციაში.

ჯერჯერობით უცნობია მივა თუ არა წულუკიანის კომისიაზე გიორგი გახარია.