ახალციხეში, 9 აპრილის ქუჩაზე მდებარე საცხოვრებელ კორპუსში ორი ადამიანის ცხედარი იპოვეს. ინფორმაციას გამოცემა sknews-ი ავრცელებს.

გამოცემის ცნობით, დაღუპულები შუახნის კაცი და ქალი არიან. 

მეზობლები განმარტავენ, რომ შემთხვევა, სავარაუდოდ, გუშინ მოხდა.

ადგილზე ექსპერტ-კრიმინალისტები მუშაობენ.

სხვა დამატებითი დეტალები, ჯერჯერობით, უცნობია.

შინაგან საქმეთა სამინისტრომ საქმეზე გამოძიება სსკ–ის 109–ე მუხლით დაიწყო, რაც განზრახ მკვლელობას გულისხმობს.

ფოტო: sknews.ge