საავტომობილო გზების დეპარტამენტის ინფორმაციით, სოფელ გიორგიწმინდის გზის მონაკვეთზე მაღალია ხევის ადიდების საფრთხე, შესაბამისად აღნიშნულ გზაზე ყველა სახის ავტოტრანსპორტის მოძრაობა იკრძალება. 

უწყების ცნობით, მოძრაობა იკრძალება 22:00 სთ-დან 08:00 სთ-მდე, დანარჩენ პერიოდში დასაშვებია მხოლოდ მაღალი გამავლობის ავტოტრანსპორტის მოძრაობა. 

ძლიერი წვიმის გამო, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 96-ე კმ-ზე (სოფ. გიორგიწმინდა) ღვარცოფული ხევის ადიდების საფრთხე მაღალია. უსაფრთხოების მიზნით, აღნიშნულ მონაკვეთზე 22:00 სთ-დან 08:00 სთ-მდე იზღუდება ყველა სახის ავტოტრანსპორტის მოძრაობა. ხოლო, დღე-ღამის დანარჩენ პერიოდში დასაშვებია მხოლოდ მაღალი გამავლობის ავტოტრანსპორტის მოძრაობა," - წერია განცხადებაში.