"ნაომარი ქალაქი რუსული მმართველობის წინააღმდეგ" - ამ სახელწოდებით დაანონსდა დღეს საპროტესტო აქცია 18:00 საათზე გორში. 

როგორც ორგანიზატორები აცხადებენ, გორში აქციის ჩანივშნის მიზეზი გორის საკრებულოს თავმჯდომარის განცხადება გახდა.

• "მადლობა ღმერთს, რომ რუსი მშვიდობისმყოფელები გორში შემოვიდნენ, თორემ მიშას ხულიგნები მთელ ქალაქს ძარცვავდნენ" - ამის შესახებ "ნეტგაზეთის" თანახმად, გორის საკრებულოს თავმჯდომარემ New York Times-თან განაცხადა. 

მოგიწოდებთ!
ყველა პოლიტიკური პარტიის წარმომადგენელებს,როგორც ადგილობრივს ისე ცენტრალურს, სამოქალაქო საზოგადოებას , არასამთავრობო სექტორს,აქტივისტებს,
დღეს ყველას გელოდებით გორში !
ეს არ არის მხოლოდ გორის სირცხვილი ეს ყველაფერი საქართველოს ღირსებაზე გადის !
მნიშვნელოვანია რომ საჭირო და დროული პასუხი გაეცეს ამ არარაობას !"- წერია ორგანიზაოტორების მიერ გავრცელებულ განცხადებაში. 

სკანდალში გახვეული გორის საკრებულოს თავმჯდომარე თავის მართლების რეჟიმშია და ამტკიცებს, რომ "ნიუ იორკ თაიმსმა" მისი ინტერვიუ გააყალბა.