მარკ რუტეს განცხადებით, პოლონეთის თავზე რუსული დრონების გამოჩენის გამო ნატო ოპერაცია "აღმოსავლეთის გუშაგს" იწყებს, რომელიც მიზნად ისახავს ნატოს აღმოსავლეთ ფლანგის - რუსეთისა და ბელარუსის მოსაზღვრე ქვეყნების კიდევ უფრო გაძლიერებას.

„ეს ოპერაცია უახლოეს დღეებში დაიწყება და მოიცავს მრავალრიცხოვანი ძალებისა და საშუალებების მონაწილეობას“, -თქვა რუტემ.

ოპერაციაში მონაწილეობას მიიღებენ დანიის, საფრანგეთის, დიდი ბრიტანეთისა და გერმანიის სამხედროები.

ნატოს პრესსამსახურის განცხადებაში ნათქვამია, რომ დანია ოპერაციაში მონაწილეობის მისაღებად გაგზავნის ორ F-16 გამანადგურებელს და საჰაერო თავდაცვის სისტემებით აღჭურვილ ფრეგატს, საფრანგეთი სამ გამანადგურებელ Rafale-ს, ხოლო გერმანია - ოთხ Eurofighter-ს. დიდი ბრიტანეთიც მიიღებს მონაწილეობას, თუმცა მისი კონკრეტული ფორმები ჯერ არ არის ცნობილი.