ზურაბ ზვიადაურთან იზოლატორში პროკურორები ბრალის წარსადგენად შევიდნენ.  "ქართული ოცნების" ყოფილ დეპუტატს და ოლიმპიურ ჩემპიონს იარაღის უკანონო შეძენა-შენახვა-ტარებას ედავებიან.

ზვიადაური დუმილის უფლებას იყენებს. დღეს დუმილი მედიასთან არ დაურღვევია არც მის ადვოკატსაც. უფლებადამცველი რამდენიმე წუთის წინ შევიდა იზოლატორში, რათა ბრალის წარდგენის პროცედურას დაესწროს.

ზურაბ ზვიადაური - "ოცნების" ყოფილი დეპუტატი მკვლელობის ბრალდებით 2021 წელს დააკავეს და რამდენიმე თვეში 50 ათასიანი გირაოს სანაცვლოდ გაათავისუფლეს. მაშინ ამბობდნენ, რომ ყოფილმა დეპუტატმა შური ძმის მკვლელობისთვის იძია.

ოლიმპიური ჩემპიონი ჯერ "ოცნების" დეპუტატი იყო, შემდეგ კი ქართულმა ოცნებამ ის გაზისა და ნავთობის კორპორაციაში დაასაქმა. "პირველების" ინფორმაციით მკვლელობაში ბრალდებული ოლიმპიური ჩემპიონის კომპანიამ  ბოლოს თუშეთის გზის რეაბილიტაციისთვის გამოცხადებულ ტენდერში გაიმარჯვა და პროექტის განხორციელებას იწყებდა.