ბათუმის ყოფილი ვიცე-მერის, ზურაბ ბერიძის, საცხოვრებელ სახლში საგამოძიებო მოქმედებები ერთი საათია მიმდინარეობს. სავარაუდოდ, გამსახურდიას ქუჩაზე, ყოფილი მაღალჩინოსნის სახლში, პოლიციელები ჩხრეკას ატარებენ. 

ერთ-ერთი ვერსიით, ბერიძის სახლში სამართალდამცავების შესვლა თბილისში, საბურთალოზე ანასტასია შატალოვას მკვლელობას უკავშირდება.

ცნობილია, რომ 25 წლის ქალს ბათუმის ყოფილ ვიცე-მერთან მცირეწლოვან შვილთან დაკავშირებით დავა ჰქონდა.

შატალოვა გვიან ღამით, საკუთარ საცხოვრებელ სახლთან მოკლეს. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.