თბილისის საქალაქო სასამართლოში, კოალიცია "ცვლილებისთვის" წევრის, გელა ხასაიას ადვოკატი ომარ ფურცელაძე იმის დასამტკიცებლად, რომ მისი დაცვის ქვეშ მყოფის დაკავების დრო არასწორად არის მითითებული, პროკურატურის პრესსამსახურის მიერ გავრცელებულ განცხადებას კითხულობს.

• სასამართლო სხდომაზე მიმდინარე ინფორმაციას "რადიო თავისუფლება" Live-ბლოგის საშუალებით ავრცელებს. 

პროკურატურის განცხადებაში მითითებულია, რომ გელა ხასაია 29 სექტემბერს დააკავეს, რაზეც პროკურორი აცხადებს, რომ სწორია ინფორმაცია, რომელიც საქმეში დევს - აქტივისტის დაკავების თარიღი 30 სექტემბერია. 

შეგახსენებთ, რომ თბილისის საქალაქო სასამართლოში გელა ხასაიას პროცესი მიმდინარეობს.

გელა ხასაიას 4-დან 6 წლამდე პატიმრობა ემუქრება. კოალიცია "ცვლილებისთვის" წევრს პროკურატურამ ბრალი დაუმძიმა და მას ახლა ჯგუფურად ჩადენილ ჯანმრთელობის განზრახ ნაკლებად მძიმე დაზიანებას ედავება.   

იხილეთ ასევე:

• პოლიციელმა მითხრა, ხომ დაგპირდი დაგიჭერო... განყოფილებაში გამაშიშვლეს, დამცინოდნენ, ახსენებდნენ მზია ამაღლობელს - გელა ხასაია