"ოცნების" მიერ "ბრბოდ და დახელფასებულებად" მოხსენიებული სამოქალაქო აქტივისტები ისევ რუსთაველზე დგანან - უწყვეტი პროტესტის 386-ე დღეს დედაქალაქის მთავარ გამზირზე ხალხი საქართველოს და ევროკავშირის დროშებით დგანან. 

პარლამენტის შენობის მიმდებარედ მობილიზებულები არიან შსს-ს თანამშრომლებიც. 

აქციის მონაწილეებმა რამდენიმე წუთის წინ რუსთაველის გამზირზე პუტინის და ივანიშვილის გამოსახულებიანი ფოტო დაწვეს.

"მათივე კანონში თვითონვე აიხლართნენ. ახლა ითვალონ და უყურონ საათს" - ამბობენ მომიტინგეები "ოცნების" გამკაცრებული საკანონდებლო ცვლილებების საპასუხოდ. 

ხალხის მოთხოვნა იგივეა - სინდისის პატიმრების გათავისუფლება და ახალი, სამართლიანი არჩევნების ჩანიშვნა.