გარჩევა იარაღების "გალევების" გამო - დადგენილია, ვის ეკუთვნის ხმა ვიდეოს ბოლოს. ლევან ჯანგველაძის მკვლელობის საქმის პროკურორის, ლევან ვეფხვაძის თქმით, დღევანდელს სასამართლო პროცესზე დაკითხულმა ექსპერმა დაადასტურა, რომ ხმა ბრალდებულ გიორგი კაჭკაჭაშვილს ეკუთვნის. 

• ცალკე წარმოებად გამოყოფილ სისხლის სამართლსი საქმეში, კაჭკაჭაშვილს იარაღის ჯგუფურად მართლსაწინააღმდეგოდ შეძენას ედავებიან, ხოლო მამუკა ბაღდავაძეს ცრუ ინფორმაციის მიწოდებას და დანაშაულის დაფარვას. 

"კანონიერი ქურდის" ძმის შეკვეთილი მკვლელობის საქმეზე დღეს სამი მოწმე დაიკითხა - ერთი იყო ექსპერტი, მეორე "ამბასადორის" უსაფრთხოების სასამხურის უფროსი და მესამე - გამომძიებელი, რომელმაც მკვლელობაში მსჯავრდებული გელა უძილაური დააკავა. 

დაიკითხა სამი მოწმე, აქედან ერთი იყო ექსპერტი, რომელმაც დაადასტურა მის მიერ ჩატარებული ექსპერტიზები. ასევე დაიკითხა "ამბასადორის" უსაფრთხოების სასამხურის უფროსი, რომელმაც გამოძიებას გადასცა ის კადრები, სადაც ასახულია, რომ გელა უძილაური უთვალთვალებს ლევან ჯანგველაძეს 16 და 22 თებერვალს. ასევე მოწმემ დაადასტურა, რომ კადრებსი გადაცემა მოხდა შედარებით გვიან. დაიკითხა გამომძიებელი, რომელსაც უშუალოდ ჰყავს დაკავებული გელა უძილაური და რა ნივთები იქნა ამოღებული, დაადასტურა  ესეც დაადასტურა, მის მიერ ჩატარებული საგამძიებო მოქმედებებსი ფარგლებში.  

დღევანდელ სხდომაზე დაკითხულ ექსპერტს სხვადასხვა ექსპერტიზები ჰქონდა ჩატარებული და მათ შორის ბრალდებულ გიორგი კაჭკაჭაშვილის მობილუიდან ამოღებულ ვიდეო-მასალაზე ჩატარებული ექსპერტიზა, სადაც საუბარია და ხდება საქმის გარჩევა სანდრო წივწივაძის მიმართ იარაღების გალევებასთან დაკავშირებით. ამ ფაქტზე ხმამაღლა იმიტომ ვსაუბრობ, რომ რამდენიმე დღის წინ, 12 თებერვალს სასამართლომ მიიღო გამამტყუნებელი განაჩენი სანდრო წივწივაძის მიმართ და დამნაშავედ ცნო იარაღების გასაღების ნაწილში. ექსპერტმა დაადასტურა, რომ ხმა რომელიც არის გაჟღერებული ვიდეოს ბოლოს, ეკუთვნის გიორგი კაჭკაჭაშვილს", - განაცხადა პროკურორმა ლევან ვეფხვაძემ.  

• ცნობისთვის, ე.წ. კანონიერი ქურდის ძმა, ლევან ჯანგველაძე ჭავჭავაძის გამზირზე 14 მარტს ჩაცხრილეს. მომხდარზე პოლიციამ 17 მარტს გელა უძილაური დააკავა. მას სასამართლომ უვადო პატირმობა უკვე მიუსაჯა. 

ჯანგველაძის მკვლელობის საქმეზე 12 აგვისტოს შსს-მ 3 პირი დააკავა - გიორგი მიქაძე, გიორგი კაჭკაჭიშვილი და მამუკა ბაღდავაძე. მათთან ერთად დაუწრებლად წარეგინათ ბრალი დავით მიქაძეს და გიორგი ჯოხაძეს. ძმები მიქაძეები ოთარ ფარცხალაძის გარემოცვის წევრები არიან. ამავე საქმეზე ბრალდებულია თავად ოთარ რომანოვ ფარცხალაძე, რომელზეც ძებნაა გამოცხადებული. 

• პროკურატურამ ძმებ მიქაძეებს და გიორგი ჯოხაძეს ბრალდება შეკვეთით და ანგარებით განზრახ მკვლელობის ორგანიზებისთვის წარუდგინა;
• გიორგი კაჭკაჭიშვილს ბრალდება წარედგინა ჯგუფურად ცეცხლსასროლი იარაღის მართლსაწინაღმდეგოდ შეძენა, შენახვისთვის;
• მამუკა ბაღდავაძეს ბრალდება წარედგინა სისხლის სამართლის კოდექსის 375-ე მუხლის მე-3 ნაწილით და 370-ე მუხლის მე-3 ნაწილით – განსაკუთრებით მძიმე დანაშაულის დაფარვა და მართლმსაჯულებისათვის ხელის შეშლის მიზნით ცრუ ინფორმაციის მიწოდება.
• უწყება ამბობს, რომ ბრალდებულ გ. ჯ.-ზე და დ. მ.-ზე გამოცხადდება ძებნა.