კახა კალაძის საარჩევნო შტაბთან 9 სექტემბერს “პუბლიკის“ ჟურნალისტებისთვის პროფესიული საქმიანობაში ხელის შეშლის საქმეზე ბრალდებულებს სასამართლომ აღკვეთის ღონისძიების სახით 3 000-ლარიანი გირაო შეუფარდა.

საქმე მოსამართლე მზია გარშაულიშვილმა განიხილა.

ბრალდებულები, საბა მინდიაშვილი და ლევან ზარდიაშვილი პროცესზე ადვოკატების გარეშე გამოცხადდნენ.

ბრალი მინდიაშვილს და ზარდიაშვილს გუშინ, 5 მარტს წარუდგინეს.

ინციდენტი 8 სექტემბერს მოხდა. „პუბლიკის“ ჟურნალისტ ქეთო მიქაძეზე იძალადა და ტელეფონი წაართვა ლევან ზარდიაშვილმა. იმავე დღეს მოხდა ალექსანდრე ქეშელაშვილთან დაკავშირებული ეპიზოდი.

ლევან ზარდიაშვილსა და საბა მინდიაშვილს ბრალი სისხლის სამართლის კოდექსის 154-ე მუხლის პირველი ნაწილით აქვთ წარდგენილი, რაც ჟურნალისტისთვის პროფესიულ საქმიანობაში უკანონოდ ხელის შეშლას გულისხმობს, რაც ისჯება ჯარიმით ან საზოგადოებისათვის სასარგებლო შრომით ან გამასწორებელი სამუშაოთი ანდა შინაპატიმრობით ვადით ექვსი თვიდან ორ წლამდე.