აბატი ათანასე: ილია II-ის სიყვარული მთელ მსოფლიოში იგრძნობოდა
ოკლაჰომას წმინდა იაკობის მონასტრის წინამძღვარი, აბატი ათანასე აცხადებს, რომ ილია II-ის გავლენა საქართველოს ფარგლებს სცდებოდა და მისი სიყვარული მსოფლიოს სხვადასხვა ქვეყანაში, მათ შორის შეერთებულ შტატებში, ფართოდ იყო გავრცელებული. ამის შესახებ მან სიონში მისვლის შემდეგ ისაუბრა.
„ჩამოვედი ოკლაჰომას მონასტრიდან, წმინდა იაკობის სახელობის მონასტრიდან. ჩამოვედი ჩვენი სულიერი მამის, დიონისეს ლოცვა-კურთხევით, რომელიც პატრიარქ ილია II-ის დიდი ხნის მეგობარი და ძმა იყო. პატრიარქ ილიას ადრეც შევხვედრივარ, რამდენიმე წლის წინ და ახლა ამერიკიდან მის დაკრძალვაზე ჩამოსვლა შევძელი.
ის ძალიან საყვარელი პატრიარქი იყო. ვიცი, რას ნიშნავდა ის თქვენთვის საქართველოში, მაგრამ მისი სიყვარული შეერთებულ შტატებსა და მსოფლიოს მრავალ, მრავალ ადგილას იყო გავრცელებული. მსოფლიოს ყველა კუთხემ იგრძნო მისი სიყვარული.
დიდი კურთხევაა აქ მის დაკრძალვაზე ყოფნა, მილიონობით ადამიანის ნახვა, ვინც მას პატივი მიაგო“, - აღნიშნა აბატმა ათანასემ.
