აფგან სადიგოვის მეუღლე სოციალურ ქსელში აზერბაიჯანის გენერალური პროკურორის კამრამ ალიევის გადაწყვეტილებას აქვს მისი მეუღლის საქმეზე და წერს, რომ სწორედ ეს გადაწყვეტილება გახდა აზერბაიჯანელი ჟურნალისტის დეპორტაციის განმსაზღვრელი. 

სევინჩ სადიგოვას მიერ გამოქვეყნებული წერილი მიმართულია საქართველოს გენერალური პროკურორის მოადგილის, ამირან გულუაშვილისადმი და ხელმოწერილია აზერბაიჯანის გენერალური პროკურატურის სახელით.

დოკუმენტში აღნიშნულია, რომ 2026 წლის 1 აპრილს, აზერბაიჯანის საგამოძიებო ორგანოს გადაწყვეტილებით, აფგან სადიგოვის წინააღმდეგ სისხლისსამართლებრივი დევნა შეჩერდა. საქმე ეხებოდა აზერბაიჯანის სისხლის სამართლის კოდექსის რამდენიმე მუხლს, მათ შორის გამოძალვის ბრალდებებს.

ამასთან, წერილში საქართველოს მხარეს სთხოვენ, რომ 2024 წლის 12 ივლისით დათარიღებული ექსტრადიციის მოთხოვნა სადიგოვთან დაკავშირებით „განუხილველად დატოვონ“.

ბატონი ამირან გულუიაშვილი
საქართველოს გენერალური პროკურორის მოადგილე
პატივცემულო ბატონო გულუაშვილო,
აზერბაიჯანის რესპუბლიკის გენერალური პროკურატურა დიდ პატივისცემას უცხადებს საქართველოს გენერალურ პროკურატურას და აქვე აღნიშნავს, რომ გენერალურ პროკურატურაში ჩატარებული გამოძიების ფარგლებში, 2026 წლის 1 აპრილს, გამომძიებლის მიერ 182.2.1, 182.2.2.2 მუხლებით და სომხეთის რესპუბლიკის სისხლის სამართლის კოდექსის 182.2.4 სამსახურის შესახებ მიიღეს გადაწყვეტილება ჰათამხან ოგლუ სადიგოვის წინააღმდეგ სისხლის სამართლებრივი დევნის შეწყვეტის შესახებ.
ზემოაღნიშნულის გათვალისწინებით, ვითხოვთ, დააკავონ ავღან სადიგოვთან დაკავშირებული საქართველოს გენერალური პროკურატურის 2024 წლის 12 ივლისით დათარიღებული ექსტრადიციის მოთხოვნა.
კიდევ ერთხელ გამოხატავს ჩვენს დიდ პატივისცემას საქართველოს გენერალური პროკურორის მიმართ, ჩვენ ვსარგებლობთ შემთხვევით, რომ კიდევ ერთხელ დავაფიქსიროთ ჩვენი უდიდესი პატივისცემა", - წერია წერილში. 

აზერბაიჯანელი ჟურნალისტის, აფგან სადიგოვის სამშობლოში გაძევების გადაწყვეტილება მოსამართლემ 5 აპრილს, გამთენიისას მიიღო. მის ექსტრადიციას აზერბაიჯანი თითქმის ორი წლის განმავლობაში ითხოვდა.

სადიგოვი თბილისში მიმდინარე აქციების აქტიური მონაწილე იყო და ბოლო წლებში რამდენჯერმე დააკავეს, მათ შორის გზის გადაკეტვის ბრალდებით. 2024 წელს მას საექსტრადიციო პატიმრობა შეუფარდეს.

ადვოკატები აცხადებდნენ, რომ ჟურნალისტი აზერბაიჯანში კრიტიკული პოზიციის გამო იდევნება და ექსტრადიციის შემთხვევაში სიცოცხლის საფრთხე ემუქრება. პატიმრობის პერიოდში სადიგოვი 141 დღე შიმშილობდა.