დიუშენის დისტროფიით დაავადებული ბავშვების მშობლები მთავრობის ადმინისტრაციასთან ღამეს გაათენებენ. 

აქციის მონაწილეები კანცელარიის შენობასთან ამ დროისთვის იკრიბებიან და 24-საათიან პროტესტს აანონსებენ. 

მშობლები, რომლებიც შვილებისთვის წამალს ითხოვენ ამბობენ, რომ ჯანდაცვის სამინისტროს არასწორი გადაწყვეტილებისა და მთავრობის უმოქმედობის გამო ქუჩაში უწყვეტი აქციების გამართვა უწევთ. 

ჯანდაცვის მინისტრის უმოქმედობის და არასწორი გადაწყვეტილებების გამო ჩვენ მოგვიწია ქუჩაში უწყვეტი აქციების გამართვა, დღეს ვიწყებთ ამ უწყვეტ აქციებს, ღია ცის ქვეშ. სამწუხაროდ, მშობლები, რომლებიც არიან ძალიან რთულ მდგომარეობაში, ქუჩაში უწევთ გამოსვლა და უფრო მეტიც, ძალიან მძიმე დაავადებას ვებრძვით ამ ბავშვებთან მიმართებაში და ყველამ კარგად იცის ეს, მაგრამ უფრო მძიმე გამოდგა ხელისუფლებასთან ბრძოლა. 

მედიკამენტებზეა საუბარი FDA-ს და MA-ს მიერ აღიარებულ მედიკამენტებზე, ისინი 5-10 წელი მუშაობდნენ ამაზე და აღიარეს და დღეს, გამოდიან ადამიანები, რომლებსაც არ აქვთ წარმოდგენა, არ არიან ამ დარგის სპეციალისტები და ნახევარ დღეში თურმე შეისწავლეს, რომ თურმე ის არ არის უსაფრთხო და თურმე უფრო მეტად ზრუნავენ," - ამბობს აქციის ერთ-ერთი მონაწილე. 

დიუშენის სინდრომის მქონე ბავშვების მშობლების მოთხოვანს დღეს შალვა პაპუაშვილი გამოეხმაურა. "ოცნების" ლიდერმა თქვა, რომ წამალი, რომელსაც დედები შვილებისთვის ითხოვენ, შესაძლოა, საშიში იყოს, რადგან კვლევები ჯერ დასრულებული არ არის.