დიუშენის კუნთოვანი დისტროფიით დაავადებული ბავშვების მშობლები უკვე მეხუთე დღეა მთავრობის ადმინისტრაციასთან უწყვეტ აქციებს მართავენ. მათი მთავარი მოთხოვნა უცვლელია — შვილებისთვის სიცოცხლის გახანგრძლივების შესაძლებლობის შექმნა.

მშობლების თქმით, პროტესტს მმართველი გუნდის წარმომადგენლები ამ დრომდე არ გამოხმაურებიან. აქციის მონაწილეებს არც ირაკლი კობახიძე შეხვედრია და არც მთავრობის ადმინისტრაციის ხელმძღვანელი.

ჯანდაცვის მინისტრმა მიხეილ სარჯველაძემ მხოლოდ ახლა დაიწყო საუბარი დისციპლინური კომისიის შექმნაზე, მაშინ, როდესაც მშობლები ამ აუცილებლობაზე უკვე ორი წელია მიუთითებენ. ისინი აცხადებენ, რომ დრო მათ წინააღმდეგ მუშაობს და დაავადების სწრაფი პროგრესირების პირობებში თითოეული დღე გადამწყვეტია.

მშობლების შეფასებით, როდესაც სახელმწიფო უწყებებთან შეხვედრები შედეგს არ იძლევა, ქუჩაში პროტესტი ბოლო გამოსავლად რჩება.

მინისტრი დისციპლინური კომისიის შექმნას თანხმდება, თუმცა კონკრეტული მედიკამენტის შემოტანაზე უარს ამბობს და მიზეზად შესაძლო რისკებს ასახელებს.

ოპოზიციის წარმომადგენლები ამ პოზიციას აკრიტიკებენ. პარტია „ძლიერი საქართველო – ლელოს“ ერთ-ერთი ლიდერის შეფასებით, საკითხის გადაუჭრელობას ბიუჯეტური პრიორიტეტები განაპირობებს და არა მხოლოდ სამედიცინო რისკები.

ვრცლად ნახეთ კკრისტი მარია ოსიაშვილის რეპორტაჟში.