სამშენებლო-დეველოპერულ „ალიანს ჯგუფთან“ დაკავშირებულმა შემომწირველებმა 2026 წლის 26-30 მარტს „ქართულ ოცნებას“ ჯამში 150,000 ლარი შესწირეს, - ამის შესახებ ინფორმაციას “საერთაშორისო გამჭვირვალობა საქართველო“ აქვეყნებს.

ორგანიზაცია იმ მშენებლობების ჩამონათვალსაც აქვეყნებს, რომლებიც ამავე კომპანიის წარმომადგენლებს სხვადასხვა დროს აქვთ მიღებული.

სამშენებლო-დეველოპერულ „ალიანს ჯგუფთან“ დაკავშირებულმა შემომწირველებმა – ბესიკ ჟღენტმა, თემურ ბიწაძემ და ნიკოლოზ თევზაძემ – 2026 წლის 26-30 მარტს „ქართულ ოცნებას“ ჯამში 150,000 ლარი შესწირეს. 
ჯგუფს ჯამურად პარტიისთვის 913,000 ლარი აქვს გადარიცხული.

შემომწირველებთან დაკავშირებულ კომპანიებს  მიღებული აქვთ: 
2024 წელს შპს „ალიანს ლისს“ ლისის ტბის მიმდებარედ 27,431 კვ.მ-ის სამშენებლო ნებართვა; 
2021-2023 წლებში შპს „გონიო 2020“-ის მიერ ქობულეთში 21 ათასი კვ.მ სახელმწიფო მიწის პრივატიზაციით შესყიდვა უკონკურენტო აუქციონებზე; 
2021 წელს აჭარის მთავრობის მიერ პირდაპირი მიყიდვის ფორმით, 1 ლარად, 600 კვ.მ ნაკვეთი გონიოში და 
2022 წელს შპს „ჯეობლუბერის“ 1 მილიონი ლარის აგროსუბსიდია,- წერია ინფორმაციაში.