მთავრობის ადმინისტრაციასთან პროტესტი გრძელდება - დიუშენის კუნთოვანი დისტროფიის მქონე მოზარდების მშობლებმა კანცელარიასთან მე-40 ღამე გაათენეს. დედები და მამები ამ დრომდე შვილებისთვსი ითხოვენ წამალეს, რომელიც მოზარდების სიცოცხლის გასახანგრძლივებლად არის საჭირო.

მშობლები დღეს გამოეხმაურნენ სარჯველაძის შვეიცარიაში ვიზიტს და მინისტრის გაკეთებულ განცახდებას, რომელაც თქვა, რომ  „ვამოროლონი“ და „ჯივინოსტატი“ ევროპის (ყველა) ქვეყნებში არ გამოიყენება. 

გუგლში შეამოწმეთ, შვეიცარიას უკვე რამდენიმე წელიწადია რაც აქვს "ვამოროლონი" - ეუბნებიან მშობლები მინისტრს. 

სარჯველაძემ შვეიცარია რომ მოიარა, ბრძანა, რომ ჩვენ თითქმის იგივე პროცედურები გაგვაჩნია საქართველოში, რაც შვეიცარიას გააჩნია. გუგლში რომ შეამოწმოს, შვეიცარიას უკვე რამდენიმე წელიწადია რაც აქვს "ვამოროლონი" მიღებელი შეიარაღებაზე და აძლევს თავის ბავშვებს ამ წამალს. 

გარდა ამსია, მაინტერესებს მინისტრის აზრი - მომაკვდავ ბავშვებზე არის საუბარი, რომელთაც არანაირი შანსი არ აქვთ სიცოცხლის, ეს წამალი აძლევთ ერთ შანსს, რაღაზე მსჯელობს საერთოდ ეს მთავრობა და ეს სამინისტრო. იმედია, რომ ადრე თუ გვიან ადამიანობას გამოიჩენენ და მისცემენ ჩვენს ბავშვებს ერთ შანსს. სიცოცხლის ერთადერთ შანსზეა საუბარი. 

ცნობისთვის, დიუშენის კუნთოვანი დისტროფიით დაავადებული ბავშვების მშობლები უკვე ერთი თვეა თბილისში, კანცელარიასთან უწყვეტ აქციას მართავენ და შვილებისთვსი წამალს ითხოვენ.

საქართველოში დიუშენის კუნთოვანი დისტროფიის დიაგნოზით 100-მდე ბავშვია აღრიცხული. ეს გენეტიკური დაავადებაა, რომელიც ადრეულ ასაკში კუნთების დასუსტებას და ფატალურ შედეგს იწვევს. მშობლები ერთი წელია ქვეყანაში ამ მომაკვდინებელი დაავადების სამკურნალო პრეპარატის შემოტანას უშედეგოდ ითხოვენ.