Freedom House-მა სალომე ზურაბიშვილს მარკ პალმერის სახელობის პრემია მიანიჭა.

როგორც ცნობილია, აღნიშნული ჯილდო გადაეცემათ დიპლომატებსა და მთავრობის მაღალჩინოსნებს დემოკრატიის დაცვასა და მის წინსვლაში განსაკუთრებული მიღწევებისთვის.

 "წელს Freedom House ამაყობს, რომ აჯილდოებს საქართველოს მეხუთე პრეზიდენტს, სალომე ზურაბიშვილს, მისი პრინციპული ხელმძღვანელობისა და საქართველოს დემოკრატიული და ევროპული მომავლისადმი ერთგულებისთვის",- წერს ორგანიზაცია.