ალეკო ელისაშვილის სასამართლო სხდომაზე მანდატურის სამსახურის თანამშრომელი იკითხება - რევაზ ბუღადრიშვილი არის პირი, რომელიც შემთხვევის დღეს, 29 ნოემბერს სასამართლოს ე.წ. კანცელარიაში პირველი შევიდა და პირველს ჰქონდა შეხება ოპოზიციონერ პოლიტიკოსთან. 

როგორც პროცესიდან "ტვ პირველის" კორესპოდენტი იუწყევა, როცა ბუღადრიშვილი სხდომაზე შევიდა, მცირე რეპლიკა წარმოთქვა ბრალდებულმა - ელისაშვილმა მოწმეს უთხრა, რომ "გათავისუფლების შემდეგ რასაც პირველი გააკეთებს, მასთან ერთად ქეიფია". თუმცა ბუღადრიშვილის გამოკითხვას მცირე რეპლიკა მაინც მოჰყვა ბრალდებულის მხრიდან. 

მანდატურის მტკიცებით, ელისაშვილმა თქვა, რომ "ქვეყნის პატრიოტია და ამიტომ გადაწყვიტა სასამართლოს კანცელარიისთვის ცეცხლის წაკიდება". სწორედ ამას მოჰყვა ბრალდებულის პროტესტი. ელისაშვილმა თქვა, რომ მსგავსი რამ არ უხსენებია და ბუღადრიშვილის მოუწოდა, სიმართლე ელაპარაკა. 

ეს სიტყვა საიდან მოიტანეთ? სხვა რაღაცას ვამბობდი, ცხოვრებაში არ მითქვამს პატრიოტი ვარ-თქო. მოყევი შე დალოცვილო რაც იყო" - უთხრა ელისაშვილმა მოწმეს. 

ასევე დღევანდელ სხდომაზე მანდატური ირწმუნებოდა, რომ როდესაც მას ერთი ხელით ეჭირა ელისაშვილი , მეორე მანდატურს კი მეორე ხელით, ბრალდებულმა მაინც მოახერხა იარაღის ამოღება და მათ "მოკვლით ექმურებოდა". 

ამის შესმდეგ მოწმეს ელისაშვილმა ასეთი კითხვა დაუსვა: "თუ კაცი გეუბნება, იარაღი მაქვსო, ანუ იარაღი აქვს და მოკვლას გიპირებს, რატომ არ გავაკეთე რეალურად?"

მოწმე: მე არვიცი, რაც მოვისმინე იმას ვამბობ, რატომ არ გააკეთა, მე არ ვიცი.

ალეკო ელისაშვილი: დივანზე უკვე დამჯდარს, ხელბორკილდადებულს მირტყამდა თუ არა თქვენი მანდატურის სამსახურის ერთ-ერთი თანამშრომელი სახეში?

მოწმე: მე გითხარით, რომ მაგ დროს უკვე ვიძახებდი სასწრაფოს და ვიყავი აქეთ, მანდატურის პოსტის სკამი რომ დგას იქ.

პროცესზე მანდატურამდე ჩვენება მისცა პოლციიელმა ნიკა ხოჭოლავამ - ელისაშვილმა თქვა, რომ სხვა პოლიციელებისგან განსხვავებით, ხოჭოლავა ღირსეულია - გაიხსენა მასთან კომუნიკაციაც.

ბრალდებულმა მოწმეს ჰკითხა, თუ ახსოვდა, რამდენად აგრესიულები იყვნენ სხვა პოლიცილები, დაუსახელა კონკრეტულად შოთა ჭიპაშვილის გვარი, რომელსაც დაპატიმრებული პოლიტიკოსი არაადამიანურ მოპყრობაში ადანაშულებს.

ასევე მნიშვნელოვანია ერთი დეტალი - დღეს მოწმე პოლიციელმა დაადასტურა, რომ მას კანცელარიაში მისვლის დროს სამხრე კამერები ჩართული ჰქონდა. 

ელისაშვილის თქმით, თუ კამერები ჩართული იყო, მაშინ მას უნდა აღებეჭდა შოთა ჭიპაშვილის მიერ, მის მიმართ განხორციელებული ძალადობა.

"იმიტომ არაა წარდგენილი ეს ჩანაწერი, რომ მალავენ" - თქვა ბრალდებულმა. 

ალეკო ელისაშვილი: ეს კაცი არის წესიერი კაცი. კარგი მეხსიერება მაქვს. ყვლა სიტყვა მახსოვს, რომ შენც და მეორე ბიჭსაც ჩართული გქონდთ კამერა.

მოწმე: მე ხომ არ მითქვამს არ მქონდა ჩართული-თქო.

ალეკო ელისაშვილი: თუ გახსოვთ ის ეპიზოდი, როცა თქვენი უფროსი თავზე მედგა, შემოვიდა, კეპი ეხურა, შემაგინა და ყველა გაისუსა?

მოწმე: არ მახსოვს

ალეკო ელისაშვილი: ეს ყველაფერი კამერას ხომ უნდა გადაეღო?

მოწმე: რაც თქვენს ირგვლივ ხდებოდა ყველაფერი უნდა გადაეღო.

ალეკო ელისაშვილი: იმიტომ არაა წარდგენილი, რომ მალავენ ან ჩანაწერს.

ალეკო ელისაშვილი: ადვოკატს რომ ვითხოვდი, რატომ მაიგნორებდით? როცა ვიძახდი მომიყვანეთ ადვოკატი, რატომ მიბლოკავდით შოთას?

ალეკო ელისაშვილი: იმ შოთას (ჭიპაშვილს) თუ არ დაუჯერებ, კარგი პოლიციელი გახდები. ეგაა ჩემი სათქმელი.

• ელისაშვილს ბრალდება საქართველოს სისხლის სამართლის კოდექსის 19-323-ე მუხლის პირველი ნაწილით აქვს წარდგენილი, რაც ტერორისტული აქტის ჩადენის მცდელობას გულისხმობს. აღნიშნული ქმედება სასჯელის სახედ და ზომად 10-დან 15- წლამდე თავისუფლების აღკვეთას ითვალისწინებს.
• გამოძიების ინფორმაციით, ნიღბიანი ალეკო ელისაშვილი 29 ნოემბერს, დაახლოებით 04:00 საათზე, ცეცხლსასროლი იარაღით, საბრძოლო მასალით და ტერორისტული აქტის განხორციელებისათვის საჭირო ნივთებით შეიარაღებული თბილისის საქალაქო სასამართლოს შენობასთან მივიდა, ჩაქუჩის გამოყენებით სასამართლოს კანცელარიის შენობის გარე ფასადის მინა ჩაამტვრია და შეაღწია სასამართლოს შიდა სივრცეში.
• პროკურატურის მიერ გავრცელებული ინფორმაციით, მან ადგილზე განთავსებულ ნივთებზე და დოკუმენტაციაზე დიდი რაოდენობით აალებადი ნივთიერება დაასხა და ცეცხლის წაკიდებით სცადა ხანძრის გაჩენა.გამოძიების ცნობითვე, პოლიტიკოსი ერთ-ერთ მანდატურს თავს დაესხა და სცემა.