თბილისში, ჭანტურიას ქუჩაზე ავტომობილს ცეცხლი გაუჩნდა - ვიდეოში, რომელსაც სოციალურ ქსელში კახა ჯაფარიძე ავრცელებს, ჩანს, რომ ჯიპის მარკის ავტომობილი იწვის. 

ადგილზე მობილიზებულია პოლიცია - სამართალდამცველები სატრანსპორტო მოძრაობის დარეგულირებას ცდილობენ.

რა გახდა ავტომობილის აალების მიზეზი, ეს ამ ეტაპზე უცნობია. 

როგორც საგანგებო სიტუაციების მართვის სამსახურში აცხადებენ, ხანძარი ლიკვიდირებულია. შემთხვევის შედეგად არავინ დაშავებულა.