უკრაინული მედია ავრცელებს ცნობას, რომლის მიხედვითაც რუსეთის ქალაქ იაროსლავლში ნავთობგადამამუშავებელ ქარხანაზე დრონებით დარტყმა განხორციელდა. იაროსლავლიდან მოსკოვის მიმართულებით მიმავალ გზაზე მოძრაობა დროებით გადაიკეტა.

იაროსლავლის ოლქის გუბერნატორი, მიხაილ ევრაევი აცხადებს, რომ ქალაქ იაროსლავლზე „უკრაინული უპილოტო საფრენი აპარატების თავდასხმა განხორციელდა“.

არსებული ინფორმაციით, დრონების სამიზნე იაროსლავლის ნავთობგადამამუშავებელი ქარხანა იყო.