რა აიძულებს ხალხს უკანასკნელი ძვირფასი ნივთები ლომბარდში ჩააბაროს?! მიკროსაფინანსო ორგანიზაციებში ჩადებული ოქროს ფასი რეკორდს ხსნის. მილიარდ 567 მილიონი ლარის ოქრო და სხვა ძვირფასი ნივთები უკვე დალომბარდებულია და საცავებში ინახება. ეს ეროვნულ ბანკში გაგზავნილი ოფიციალური სტატისტიკაა. ხალხი ყვება, რომ ლომბარდი უკანასკნელი გზაა, როდესაც ოპერაციის, წამლის ან ყოველდღიური ხარჯების თანხა არ აქვთ.

სალომბარდე კრედიტები მიკროსაფინანსოებისთვის ყველაზე მაღალშემოსავლიანია. მხოლოდ 2026 წლის პირველ ნახევარში 287 მლნ ლარი - ოქროს და ძვირფასეულობის პროცენტებისგან მიიღეს. აქედან 195 მლნ მხოლოდ ლომბარდებში გადახდილი პროცენტია. ეს მოქალაქეებისთვის ყველაზე ძვირი სესხია.

მილიარდ ნახევრის ოქროსთან ერთად ხალხი ალომბარდებს სხვა ძვირადღირებულ ნივთებს. 118 მლნ-ის მანქანები და თითქმის 7 მილიონის ღირებულების უძრავი ქონება დაგირავებულია. მიკროსაფინანსო ორგანიზაციების მუშაობა ფაქტობრივად სალომბარდე სესხებზე დგას.

ვრცლად ნახეთ ლიკა ჯანყარაშვილის რეპორტაჟში