ბათუმი დიდი ხანია, აღარ არის მხოლოდ საზაფხულო დასასვენებელი ლოკაცია. ის აქტიურ ურბანულ და ბიზნეს-ცენტრად იქცა. ეროვნული სტატისტიკის სამსახურის მონაცემებით, 2025 წელს საქართველომ 5.8 მილიონ საერთაშორისო ვიზიტორს უმასპინძლა, რაც წინა წელთან შედარებით 7%-იან ზრდას აჩვენებს. აღსანიშნავია, რომ ამ ვიზიტების 25.7% სწორედ აჭარის რეგიონზე მოდის, რითაც ის, თბილისის შემდეგ, ქვეყანაში მეორე ყველაზე პოპულარული მიმართულებაა. ტურისტული ნაკადების ზრდა ბათუმის უძრავი ქონების ბაზარზეც აისახება.

Galt & Taggart-ის 2025 წლის მიმოხილვის მიხედვით, ბათუმში გასული წლის განმავლობაში 17 478 ბინა გაიყიდა, რაც, წინა წელთან შედარებით, 15%-ით მეტია. საერთო ბაზრის მოცულობამ 1.3 მილიარდ დოლარს გადააჭარბა.

ბათუმში ბინის ყიდვით დაინტერესებულ ადამიანს, როგორც წესი, ორი განსხვავებული მოტივი აქვს:

• ის, ვინც ქონებას ინვესტიციად განიხილავს. ამ ტიპის მყიდველისთვის ყველაზე მნიშვნელოვანი გასაქირავებელი ფართიდან მიღებული შემოსავალია. Galt & Taggart-ის მონაცემებით, საშუალო სარგებელი 2025 წელს 7.4%-ს შეადგენდა.
• ის, ვინც ბინას პირადი გამოყენებისთვის ყიდულობს, დასასვენებლად ან სეზონურად საცხოვრებლად. ამ შემთხვევაში, ინფრასტრუქტურა, ზღვის სიახლოვე და შენობის მახასიათებლებია პრიორიტეტული.

მშენებარე აპარტამენტები ბათუმში ყოველთვის ორი მიზეზით იყიდება: ფასი ასეთ ობიექტზე დაბალია და ყიდვა მშენებლობის საწყის ეტაპზე კაპიტალის ზრდის უფრო მეტ შანსს იძლევა.

ინდური უძრავი ქონების ბაზრის გამოცდილება, სადაც მსგავსი ტიპის შესყიდვები წლების განმავლობაში შეისწავლეს, ცხადყოფს, რომ ყველაზე გავრცელებული პრობლემა დეველოპერის შერჩევაა. წინა პროექტების ისტორია, ვადების დაცვა, სამშენებლო ნებართვები – ეს ყიდვისას ყველაზე მნიშვნელოვანი ეტაპია.

გარდა ამისა, ხელშეკრულების პირობები, ვერბალური შეთანხმების ნაცვლად, ყოველთვის დოკუმენტურად უნდა დადასტურდეს. 

აქ მოცემულია რამდენიმე პარამეტრი, რომელიც ბინის ყიდვისას გათვალისწინებას საჭიროებს:

• ადგილმდებარეობა. ახალი ბულვარი ყველაზე პოპულარული ადგილია.  ზღვასთან სიახლოვე გაქირავების მოთხოვნაზე უშუალოდ აისახება.
• სამშენებლო მასალა. ენერგოეფექტური მასალები, კონკრეტულად იტონგის ბლოკი, შენობის ექსპლუატაციის ხარჯებს ამცირებს. ეს საინვესტიციო ქონებისთვის განსაკუთრებით მნიშვნელოვანია.
• კომპლექსის ინფრასტრუქტურა. მყიდველი ბინასთან ერთად ვარჯიშის, დასვენებისა თუ ბიზნეს შეხვედრისთვის შესაბამის  ინფრასტრუქტურასაც ყიდულობს – ეს ფაქტორი გაქირავების ბაზარზე ფასზე ასევე უშუალოდ აისახება.

ამ კვარტალში, ინასარიძის ქუჩაზე, ზღვიდან 150 მეტრში, “არქი რამადა ბათუმი” შენდება – 30-სართულიანი პროექტი, რომლის პარტნიორია Ramada Encore by Wyndham, Wyndham Hotels-ის გლობალური ქსელის ბრენდი.

ბინები მყიდველს სრული რემონტით, ავეჯითა და ტექნიკით გადაეცემა. ინფრასტრუქტურა საცურაო აუზს, სპა ზონას, ფიტნეს დარბაზს, რესტორანს, ბარს, ლაუნჯს, საკონფერენციო სივრცეს, საბავშვო ზონასა და ღია და დახურულ ავტოსადგომს მოიცავს.

Wyndham-ის ჩართულობა ნიშნავს, რომ ბინის მფლობელს, სპეციალური სერვისის მეშვეობით, ბინის გაქირავება სასტუმროს ოპერირების სტანდარტით შეუძლია. ამასთან, ტურიზმის ზრდა გრძელდება. 2025 წელს საქართველოში ვიზიტორთა 50.3% დასვენება-გართობის მიზნით ჩამოვიდა. რაც ასევე ნიშნავს, რომ ბათუმი ტურისტული გაქირავების ბაზარზე მაღალ მოთხოვნას ინარჩუნებს.

NS