შსს-ს ყოფილი მაღალჩინოსნის, იოსებ სიგუას ადვოკატი სამართლებრივ ბრძოლას აანონსებს - როგორც თეონა გვაზავა სოციალურ ქსელში გავრცელებულ პოსტში წერს, სოფია სიგუას ბრალდებებს, რომელიც ქმარს ძალადობაში ადანაშაულებდა, სამართლებრივი გზით გაეცემა პასუხი. 

უფლებადამცველი სოფია სიგუას ქმრის მიმართ ბრალდებებს პირადი მოტივით განპირობებულს უწოდებს. 

იოსებ სიგუას მიმართ გამოცემული შემაკავებელი ორდერი თბილისის სააპელაციო სასამართლოს მიერ გაუქმდა. 
ორი ინსტაციის სასამართლოს მიერ  დადგინდა, რომ იოსებ სიგუას არ განუხორციელებელია სოფია სიგუას მიმართ ფიზიკური და ფსიქოლოგიური ძალადობა. 
ყველა დაუსაბუთებელ, პირადი მოტივით განპირობებულ, ბრალდებას სამართლებრივი გზით გაეცემა პასუხი", - წერს თეონა გვაზავა. 

სააპელაციო სასამართლომ შსს-ს ყოფილ მაღალაჩინოსანს,  ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ყოფილ უფროსს, იოსებ სიგუას, რომელსაც ცოლი, სოფია სიგუა ძალადობაში ადანაშაულებდა, შემაკავებელი ორდერი გაუუქმა. 

წინა კვირას ასევე ვადა გაუვიდა ელექტრონულ სამაჯურსაც. 

რა ვიცით ძალადობის საქმეზე?

4 ივლისს  სიგუას ცოლმა "შაბათის ეთერისთვის" მიცემულ ექსკლუზიურ ინტერვიუში მოქმედი პოლიციელი [იმ დროისთვის იყო თბილისის პოლიციის დეპარტამენტის დეტექტივების სამმართველოს უფროსი] ძალადობაში დაადანაშაულა. ხმაურიანი ინტერვიუს ეთერში გასვლის შემდეგ, სიგუა დააწინაურეს და ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსად დანიშნეს.

მას შემდეგ კი, რაც პროკურატურამ სოსო სიგუას ცოლის მიმართვის საფუძველზე გამოძიება დაიწყო და პოლიციელს ელექტრონული სამაჯური დაუმაგრა, სიგუამ თანამდებობის დატოვების გადაწყვეტილების შესახებ საამართლო დარბაზში განაცხადა.

საგამოძიებო სიუჟეტში სოფო სიგუა ჰყვებოდა, რომ ქმარი მას „მე-12 სართულიდან გადაგდებით“, „კასრში ჩასმითა და დამარხვით“ ემუქრებოდა.

ქალი ამტკიცებს, რომ „იოსებ სიგუამ მას იარაღი შუბლზე დაადო და სიცოცხლის მოსპობით ემუქრებოდა“.