თამაზ ელიზბარაშვილი სააპელაციო სასამართლოს გადაწყვეტილების მოლოდინში - ადვოკატ ლალი აფციაურის განცხადებით სავარაუდოდ, დღეს იმსჯელებს მეორე ინსტანციის სასამართლო, გაუუქმებენ თუ არა ბიზნესმენს აღკვეთი ღონისძიების სახით შეფარდებულ პატიმრობას.

უფლებადამცველი ამბობს, რომ დაკავებული ბიზნესმენი პატიმრობიდან აუცილებლად უნდა გათავისუფლდეს, რადგან საქმეში, ბრალის დამადასტურებელი არცერთი მტკიცებულება არ დევს.

ლალი აფციაური საუბრობს თამაზ ელიზბარაშვილის ჯანმრთელობის სერიოზულ პრობლემებზეც და აცხადებს ამ კუთხით დაცვის მხარე საჭიროების შემთხვევაში ევროპულ სასამართლოსაც მიმართავს.

ამ ეტაპზე სააპელაციო საჩივარი დაზუსტებული დღეს ჩავაბარე. საქმე სააპელაციო ჯერ განხილული არ არის, სავარაუდოდ, დღეს განიხილავენ. ჯანმრთელობის კუთხით ყველა ვარიანტში გავაგზავნით ევროპულ სასამართლოში, იმიტომ, რომ სერიოზული პრობლემები აქვს ჯანმრთელობის.  ამიტომ, პირველ რიგში მისი ჯანმრთელობაა საზრუნავი. თამაზისგან არც მუქარა იყო და საერთოდ დანაშაულზე ლაპარაკი არ არის. ზოგადად, მაკვალიფიცირებელი ნიშანი 151-ე მუხლის არ არსებობს ამ საქმეში. რასაც ამბობს ბატონი ელიზბარაშვილი, როგორც აღწერს მომხდარ ფაქტს, ეს კადრები  არის ერთი-ერთში. საიდან წამოვიდა ინციდენტი, ვინ იწყებს, ვინ მოქმედებს აქტიურად, ეს ყველაფერიჩანს. ნუ ახლა ვისაც აწყობდა ამ კადრების გამოჩენა, გამოაჩინა იმან, ვისაც არ აწყობდა, დამალა იმან. არ არის ამ საქმეში არანაირი დანაშაულის ნიშნები", - ამბობს ლალი აფციაური. 

ცნობისთვის, დაკავებული ბიზნესმენის, თამაზ ელიზბარაშვილის ადვოკატმა, ლექსო სვიმონიშვიმა გუშინ ღამით რესტორან "სხვა"-ში მომხდარი ინციდენტის ვიდეო ჩანაწერი გაასაჯაროვა. 

კადრებში ბიზნესმენსა და "იმედის" თანამშრომლებს შორის რესტორნის საპირფარეშოში მომხდარი ინციდენტის დასაწყისი ჩანს. 

პოკურატურა ამტკიცებს, რომ სწორედ ამ ინციდენტის შემდეგ "დაემუქრა" 7 კაცს ელიზბარაშვილი, რამაც საგამოძიებო უწყების თქმით, "დაზარალებულების საფუძვლიანი შიში გამოიწვია".

რა ვიცით თამაზ ელიზბარაშვილის დაკავების საქმეზე?

ბიზნესმენი პირველ სექტემბერს მისი საცხოვრებელი ბინის ჩხრეკის დროს თავდაპირველად ადმინისტრაციული წესით დააკავეს.

3 სექტემბერს პროკურატურამ ადმინისტრაციული წესით დაკავებულ ბიზნესმენს სისხლის სამართლის კოდექსის მუქარის მუხლით ბრალდება წარუდგინა.

ცნობილია, რომ 1 სექტემბერს გაჩხრიკეს ელიზბარაშვილის მანქანა და საცხოვრებელი სახლი. მაშინ შსს-ში თქვეს, რომ სამართალდამცავები საგამოძიებო მოქმედებებს სისხლის სამართლის კოდექსის 151-ე მუქარისა და 236-ე ცეცხლსასროლი იარაღის უკანონო შეძენა-შენახვა-ტარების მუხლებით მიმდინარე გამოძიების ფარგლებში ატარებდნენ.

ბიზნესმენი დაკავების დღიდან შიმშილობს და ამტკიცებს, რომ მას პროვოკაცია მოუწყვეს.

ამის პარალელურად, გაირკვა იმ ადამიანების ნაწილის ვინაობა, რომლებიც პროკურატურამ ე.წ. მუქარის საქმეზე დაზარალებულად ცნო. 

• სულ საქმეში 7 დაზარალებული ფიგურირებს - შაკო კუჭაშვილი, ჯაბა ხუბუა, სანდრო გამსახურდია, ნიკა კლდიაშვილი.  3 ადამიანის ვინაობა საჯარო სივრცეში არ გაჟღერებულა.

შაკო კუჭაშვილმა "პირველებთან" თავად დაადასტურა, რომ ის საქმის ფიგურანტია. ჯაბა ხუბუასა და ნიკა კლდიაშვილის შესახებ სასამართლოზე გახდა ცნობილი, ხოლო ინფორმაცია რომ რესტორანში სანდრო გამსახურდიაც იმყოფებოდა,  რადიო თავისუფლებამ დაწერა. ოთხივე მათგანი სანქცირებულ TV "იმედზე" მუშაობს.

საქართველოს მთავარამ პროკურატურა  მოგვაინებით ბიზნესმენ თამაზ ელიზბარაშვილის საქმესთან დაკავშირებით სათვალთვალო კამერების ჩანაწერები გაავრცელა  - საუბარია რესტორან "სხვა"-ს სამეთვალყურეო კამერის ვიდეოჩანაწერზე, სადაც ჩანს ელიზბარაშვილი.

უწყება ამტკიცებს, რომ მიმდინარე წლის 30 აგვისტოს, რესტორანში მომხდარი ინციდენტის შემდეგ ბიზნესმენი ტერიტორიაზე შეიარაღებული მივიდა.  

• "თამაზ ელიზბარაშვილი დაემუქრა დაზარალებულს და მასთან ერთად მყოფ პირებს... [მოგვიანებით] მუქარის აღსრულების მიზნით ის შემთხვევის ადგილზე ბრუნდება, რა დროსაც ხელი დემონსტრაციულად აქვს ჩაყოფილი მოსაცმელის უბეში..." - წერს უწყება ვიდეოს აღწერაში.